FESR - fonds europeich por le svilup regional
FESR 2021-2027 - Ressanamënt energetich dl frabicat multifunzional, pdf 545 CC La Val
Titul: EFRE GREEN 2023 Ressanamënt energetich dl frabicat multifunzional, pdf 545 CC La Val
Codesc proiet: EFRE3028
Acronim: MENS
Codesc CUP: H63C23000080004 - H63C23000780004
Riferimënt program: EFRE 2021-2027
Le fonds europeich por le svilup regional, en cürt FESR, é un di fonds struturai y de investimënt europeics por l'atuaziun dla politica regionala dla comunité europeica. Le FESR á le fin da avalié fora desvalianzes regionales por renforzé la coejiun economica, soziala y teritoriala.
Le proiet reverda le ressanamënt energetich dl frabicat multifunzional ch'é söla pdf 545 CC La Val. Cun chësc proiet ó le Comun da La Val fá n vare important devers dl'efiziënza energetica y dla sostenibilité, cun la restruturaziun energetica dl frabicat multifunzional te chël che al é la scolina laite. Le proiet prevëiga la restruturaziun di locai multifunzionai ch'é bele esistënc y lapró ince l'isolaziun dl tët y di mürs defora, sciöche ince la sostituziun dles finestres cun dui vidri ch'é sëgn cun finestres modernes cun trëi vidri. Implö él preodü la sostituziun de n valgünes portes por smendrí ciamó deplö le consum energetich.
Por garantí l'efiziënza energetica te n tëmp lunch él preodü pro chësc proiet l'instalaziun de trëi pumpes por le cialt (capazité indüt de 75 kW) por le scialdamënt dl frabicat y de n valgügn panei fotovoltaics, che dess avëi vignun na capazité de zirca 10,33 kW peak, por fá strom nët por l'autoconsum y daidé pro da smendrí les emisciuns de CO2. Cun chësc proiet de restruturaziun podará le frabicat ciafé la tlassa KlimaHaus B (pian ia da "G") te 4 perts de laur y te n tëmp de 18 mëisc y insciö vëgnel mioré le comfort de düc i nuzadus dla strutüra y contribuí te na manira significativa ala sconanza dl ambiënt y ala reduziun dl consum energetich y ala segurëza di nuzadus.
