Sorvisc por plazes da parché da paié

Le sorvisc é por düc chi che ó anuzé les plazes da parché da paié dan i trus olache an pëia ia por jí a pe sö pur munt; ara se trata de chëstes plazes da parché: Furnacia (La Cialciara), Spëscia, Ramëi, Tolpëi, Funtanela, Ciurnadú, Ciavaza y Runch (da odëi sön la cherta chiló dessot).

Clliché söla cherta por daurí la cherta interativa y prenotéle post da parché dejidré.

cherta dles plazes da parché tl comun da La Val

Dai 28.07.2025 inant mëss düc i anuzadus dles plazes da parché da paié dan i trus olache an pëia ia por jí a pe sö pur munt prenoté danfora la plaza da parché y dailó ince paié ite la tarifa revardënta. L’orar tratan chël che al é l’oblianza da paié é vigni de dales 08:00 ales 17:00.

Perioda con oblianza da paié tratan les sajuns turistiches da d'isté a d'inver:

• dai 15.06 fina ai 15.09
• dai 15.12 fina ai 15.03

La prenotaziun mëss gní fata danfora sön la plataforma digitala dl LTS (Landesverband der Tourismusorganisationen Südtirols) che pó gní cherdada sön cun le clich söla cherta chiló dessura.

Por la registraziun adorun na misciun e-mail y n sistem de paiamënt eletronich. Al mëss ince gní dé dant i dać personai y la targa dl auto.

La prenotaziun dla plaza da parché ch'é gnüda chirida fora por le tëmp ch'é gnü dé dant canche an á fat la prenotaziun.

La tarifa por la plaza da parché é de 7,00 € al de por un n auto. Düc i anuzadus che á süa residënza anagrafica tl comun da La Val pó ti damané al Comun n bonn, cun chël che ai ciafa na reduziun de 4,00 € al de - insciö é la tarifa por i anuzadus residënc a La Val de 3,00 € al de por un n auto.

La domanda di bonns por anuzadus residënc tl comun da La Val mëss gní fata cun chësc formular online.

Domanda dl codesc sconto (bonns) por plazes da parché por residënc - ciarede le formular online.

Les condiziuns dl sorvisc é gnüdes aprovades cun la deliberaziun dl consëi de comun n. 30 di 15.07.2025, ch’é publicada sön la tofla ofiziala sot a chësc link.