Brosciüra sura la despartiziun dl refodam.pdf

Refodam generich:

Dal ann 2022 inant mëss gni dé jö le refodam de rest tla pressa a Pidro. Vigni utënt ciafa porchël na cherta magnetica.
Por ciafé na cherta, o in cajo che ara va a perde, sëise periá da se lascé adintëne tl ofize dles cutes dl comun.

Material riciclabl:

Papier vedl, bossi y spidl po gnì sciurà demez tres i container aposta metüs dles zones de racoiüda dl refodam

• le container vërt é por le spidl
• le container ghel é por le papier
• le container bröm é por i bossi de banda

Cartun

Le cartun po gnì dè jö tles zones de racoiüda dl refodam. I cartun mëss gnì tacà adüm y nia moscedà cun de ater refodam. Al ne po nia gnì dè jö contignidus de tetrapak!!! p.ej. i contignidus dl lat, süć y cassëtes de cartun (le funz contëgn material nia riciclabl).

Sostanzes da tosser

Les sostanzes danoses (refodam tossich), che ne po nia gnì sciurades cun le refodam generich (p.ej. les bomboles spray, patris ötes, öri, neons, medejines scadüdes, laches, y i.i.), po gni dades jö ala dita Ökoline, che se cruziarà dla racoiüda de chisc materiai sön la plaza de comun pro i posć de racoiüda ti dis prefissà (ćiara calënder).

Gras adorè y apratè

I grasc dles aziëndes vëgn coiüs adöm dui iadi al ann (ćiara calënder).

Le gras adorè o apratè por l’utilisaziun de ćiasa po gnì coiü adüm te condles da 3 litri che é da ciafè te comun la jöbia dales 8,00 ales 12,30. Les condles plënes pò gnides dades jö te comun dal indemo orar.
La racoiüda di grasc fora di dis y orars preodüs va ma da fa por cuantitês de almanco 150 litri y sön domanda scrita di interessà, tres fax menè alla dita Dabringer al numer 0472 835344.

Patris ötes

Les patris ötes po gnì dades jö posć publics de racoiüda. Patris de auti po gnides dades jö por la racoiüda dl refodam da tosser (ciara calënder)

Material de demoliziun

Chisc mëss gnì desmandrà tl respet dles normatives varëntes. Por chësc fin po i interessà contatè firmes spezialisades che se cruziarà diretamënter por la desgorta y la faturaziun.

Refodam grou

Le refodam grou po gnì dè jö diretamënter dai interessà pro le zënter de reziclaje Alfur a San Martin. 

Racoiüda de guant adorè

La Caritas se crüzia n iade al ann dla racoiüda dl guant adorè y ćiamò te bunes condiziun. Chisc po inće gni desmandrà pro le zënter de racoiüda dl guant adorè (Ćiamena dal Guant), che é da ciafè tla zona artejanala da San Martin de Tor, vigni jöbia dales 14.00 - 16.00. Guant te stletes condiziuns mëss gní sciuré demez cun le refodam generich y insciö ti sać vërć.

Aparać eletrics

Dlaciadus, televijiuns y atri aparać eletrics po gnì dà jö diretamënter dai interessà pro zënter de reziclaje Alfur.

Zënter de reziclaje Alfur:

Ćerti materiai (plastica, spidl, cartun, bossi, metai, material grou, y i.i.) po gnì dà jö pro le Zënter de reziclaje Alfur, che é en funziun dal 19.03.2005.

http://www.provincia.bz.it/umweltagentur/2906/trend_d.htm