Le comun pó conzeder contribuc ales associaziuns por l'ativité annuala. Les domandes mëss gni dades jö te comun vigni ann anter le mëis de forá, scrites sön i formulars aposta (ciara dessot) y sotscrites dal rapresentant legal dl associaziun. Ala domanda mëss gni alegá chisc documënc, coredá cun data, timbro y firma dl rapresentant legal:
- statuc (le prüm iade che al vëgn presentè na domanda);
- certificat de iscriziun al albo provinzial dles associaziuns de volontariat, aldô dles leges varëntes;
- program dla ativité;
- plann finanziar;
- situaziun de cassa al ultimo 31.12.
Deplü informaziuns y conzesciuns de contribuc é da odëi tl Regolamënt comunal por la conzesciun de contribuc y tles diretives por la conzesciun y le paiamënt de contribuc.
Licuidaziun di contribuc
Por la licuidaziun di contribuc conzedüs vêlel les desposiziuns suandëntes:
La comunicaziun dla soma aprovada vëgn fata dal ofize che se á cruzié dla domanda de contribut y contëgn l’indicaziun dl fin resp. le oget por chël che al é gnü conzedü le contribut sciöche inće i documënć nezesciars por la licuidaziun. Le control di documënc relatifs al fin o al oget por chël che al é gnü conzedü le contribut vëgn fat tres le ofize de contabilité. Por la licuidaziun di contribuc ordinars y straordinars mëssel gní presentè i documënc suandënc:
- domanda de licuidaziun, datada y firmada dal rapresentant legal, cun indicaziun dl cunt bancar y dl codesc fiscal sciöche inće dla lista di cunc documentá
- cunć documentá: cunc paiá en original y copia firmada dal damandant; do la licuidaziun dl contribut vëgn le cunt original, vidimé dal Ofize, dé zoruch;
- detlaraziun revardënta a contribuć da pert de atri ënc publics;
- atri documënc nezesciars da iade a iade;
- por contribuc a grups nia organisà: inće na detlaraziun sön la utilisaziun dl contribut.