Düc i comuns de Südtirol á metü adüm i archivs dles cosses pordüdes sön n portal su. Insciö vara plü saurí da ciafé les cosses pordüdes. An pó da ciasa infora chirí online sön chësc portal nü di comuns de Südtirol. Söla plata internet www.oggettitrovati.it pol gní controlé sce la cossa pordüda é gnüda dada jü tel comun de residënza o te n ater comun de Südtirol.
Cosses prodüdes
Chi che ciafa val da cöie sö y ne conësc nia le proprietar, mëss atira dé jö la cossa ciafada tl ofize por les cosses pordüdes, y dé dant i particolars.
Publicaziun
L'ombolt publichëia sön tofla de comun ch'al é gnü ciafé la cossa; la publicaziun mëss gní fata por döes domënies indolater y mëss éster continuamënter por almanco trëi dis.
Ciatadöres
Le proprietar mëss ti dé a chël che á ciafé la cossa, sce chësc s'él damana, n compëns che corespogn a 1/10 dl valur dla cossa ciafada. Canche chësc valur superëia € 5,00, vëgn le compëns por la cuota surafora calcolé tla mesüra de 1/20 dla valüta.
Acuisiziun dla proprieté dla cossa ciafada
Sce le proprietar ne á nia damané do la cossa anter n ann dal ultimo de dla pulicaziun, é la cossa, o sce les circostanzes á porté ala venüda dla medema, la soma gnüda ite dala venüda, de proprieté dla porsona che l'á ciafada.
