Sorvisc ai zitadins

Sön le portal vëgnel ince por i zitadins metü a desposiziun deplü sorvisc, jon ite tl portal ANPR (https://www.anagrafenazionale.interno.it/servizi-al-cittadino/) cun l’identité digitala (SPID, cherta d’identité digitala o cherta nazionala di sorvisc).

profil personal („Profilo utente“)

Por dé dant la misciun olách’an ô ciafé i zertificac damanês y les notificaziuns automatiches.

Vijiuns y autozertificaziuns („Visura e autocertificazioni“)

Por consulté i dac anagrafics y chi dla familia, pro chëra che an alda. Al é ince la poscibilité da damané dô y stampé fora autozertificaziuns.

Zertificac („Certificati“)

Dai 15.11.2021 pó le zitadin desciarié online deplü sorts de zertificac dal sorvisc ANPR.
I zertificac é desponibli por sé enstësc o por n mëmber dla familia anagrafica y chisc é debann.

Retificaziun de dac („Rettifica dati“)

Por ciarié sö na domanda de retificaziun di dac anagrafics tl caje de fai tles informaziuns dades dant tla scheda anagrafica, a gauja de fai materiai o trascriziuns falades respet a ci che é dé dant tai documënc revardënc en posses dl zitadin.

Informaziun generala

Le proiet “Anagrafa nazionala dla popolaziun residënta” (ANPR) á metü man dal 2013. Le travert ê chël da cherié na anagrafa nazionala y dé insciö la poscibilité ai zitadins da adoré sorvisc desvalís (p.ej. zertificac), nia ma tl comun de residënza, mo te vigni comun talian.
Lapró dess chësta banca dac ince scemplifiché le barat de informaziuns danter ofizi publics.